Per ne

behind the scenes at beyond

Misioni ynë

Misioni i LENS-it është që të kontribuoj në zhvillimin e demokracisë dhe rritjen e cilësisë së jetesës nëpërmjet shfrytëzimit të teknologjive moderne, inovacionit dhe qasjes më të mirë në informacion. LENS-i është i përkushtuar të përmirësoj qasjen në internet me kushte të përballueshme, të ndihmoj komunitetin në përdorimin e teknologjisë për zhvilluar dhe promovuar liritë dhe të drejtat e tij, të siguroj që politikat qeveritare të ndërlidhura me informacionin dhe komunikimin nuk janë kundërvepruese dhe t’u jap mundësi individëve, grupeve dhe organizatave që të përdorin teknologjinë informative dhe komunikuese për të ndërtuar komunitete të qëndrueshme.

Fushëveprimi

Rritja e transparencës dhe llogaridhënies së institucioneve qeveritare, mbrojtja e të drejtave të privatësisë, promovimi i medieve të lira dhe profesionale, mundësimi i ushtrimit të të drejtave të individëve dhe komuniteteve nëpërmjet qasjes më të mirë në informacion, inkurajimi i autoriteteve qendrore dhe lokale që të adresojnë më mirë nevojat e komunitetit.

LENS mbi ePjesëmarrjen

Në kohën e zhvillimit gjithnjë e më të madh të eQeverisjes, ka një kërkesë të shtuar për shërbimet publike dhe informatat të jenë të përshtatura me nevojat e njerëzve dhe të jenë në dispozicion me shtypjen e një butoni, ose të një klikimi në mouse.

Kjo kërkon pjesëmarrjen e përdoruesve të zakonshëm në procesin e përmirësimit të shërbimeve publike dhe të zhvillimit. ePjesëmarrja ka të bëjë pikërisht me këtë, dhe në me bërjen e proceseve vendimmarrëse më të lehtë duke lidhur njerëzit me qeverinë dhe duke u lejuar atyre të paraqesin pikëpamjet e tyre, komentet, ankesat dhe këshillat për qeverinë përmes përdorimit të teknologjive të reja të informacionit e komunikimit.

LENS mbi privatësinë

Privatësia është e drejta për të kontrolluar se kush çka din për ty, dhe nën çfar kushtesh.

Që nga themelimi, Lens është angazhuar për promovimin e të drejtës ne privatësi dhe mbrojtje më të madhe të të dhënave personale në Kosovë. Duke operuar në një grant nga Fondi Kosovar për Shoqëri të Hapur (KFOS), në Mars të 2012 Lens ka publikuar analizën e parë e legjislacionit të ndërlidhur me privatësinë. Ky punim shërben si bazë e veprimeve të mëtutjeshme në lëmine e privatësisë dhe përditësohet në mënyrë konstante. Versionin fillestar e gjeni tek dokumentet ndërsa versionin e përditësuar këtu.

E drejta për të ndarë gjëra të ndryshme me familjen, shokët dhe kolegët tu. E drejta për të ditur se posta jote elektronike, të dhënat tua mjekësore e bankare janë të mbrojtura dhe të sigurta. Privatësia është qenësore për dinjitetin dhe autonominë njerëzore në të gjitha shoqëritë. E drejta për privatësi konsiderohet një nga të drejtat më themelore-që nënkupton se nëse dikush dëshiron t’jua marr atë, i duhet një arsye shumë e fortë.

LENS mbi inovacionin

Funksionet që janë bërë të mundshme si rezultat i teknologjive të reja janë duke ndryshuar mënyrën se si ne menaxhojmë jetën tonë.

Rritja masive në trendet e përdorimit të këtyre teknologjive në mbarë botën, ka pasur ndikime të rëndësishme për mënyrën se si ne komunikojmë, se si bëhet biznesi, dhe vazhdon të diktoj edhe zhvillimet në të gjitha industritë tjera ekzistuese. Të kombinuara me nevojën e individit për përmirësim të vazhdueshëm, teknologjitë e reja kanë sjellë risi dhe shpikje që shpesh kanë prodhuar vegla të dobishme për të përmirësuar cilësinë e jetës tonë.

Lens angazhohet për mbështetjen dhe nxitjen e inovacionit, përmirësimin e politikave që do ta mundësojnë atë, dhe inkurajon individët që të angazhohen në zgjidhjen e problemeve që dalin në komunitetin e tyre.

LENS mbi transparencën

Transparenca promovon llogaridhënie dhe u ofron qytetarëve informacione rreth asaj se çka është duke bërë qeveria. Ju keni të drejtë të dini se si i përgatisin vendimet institucionet qeveritare, kush merr pjesë në përgatitjen e tyre, kush merr fonde nga buxheti i shtetit, dhe çfarë dokumentesh merren për bazë ose përgatiten për të krijuar dhe adoptuar aktet ligjore. Ju gjithashtu keni të drejtë qasjeje në ato dokumente, dhe mund t’i bëni të dëgjohen mendimet tuaja rreth tyre, qoftë në mënyrë të drejtpërdrejtë ose tërthorazi- përmes ndërmjetësve që ju përfaqësojnë.

LENS mbi mbrojtjen e konsumatorit

Konsumatorët e sotshëm janë duke e shfrytëzuar internetin dhe teknologjinë mobile për t’u kyçë në rrjete dhe biseda, duke e krijuar një komunitet mbarë-botëror. Me një klik ata mund të lexojnë gazeta, blejnë gjëra ushqimore, vizitojnë muze virtual ose të dërgojnë dhurata kudo. Teknologjia u jep atyre qasje të menjëhershme në informata , argëtim, dhe mallra. Telefoni dhe televizioni ishin për shumë vite pjesë e përditshmërisë, por sot funksionet e tyre po bashkohen me ato të kompjuterëve dhe konsumatorëve për ditë e më shumë ju ofrohen mundësi të reja. Për fat të keq, sot kemi probleme të reja për mbrojtjen e konsumatorëve dhe autoritetet janë ende larg nga aftësimi për tu përballuar me to. Për t’u marrë me shqetësimet e reja në tregun e ri të teknologjisë së lartë globale, shoqëria civile, edukatorët , komuniteti i biznesit dhe qeveria duhet të bashkojnë forcat për të hartuar dhe zbatuar masat për të mbrojtur konsumatorët në ambientin e ri, për të nxitur konkurrencën, dhe të inkurajojnë zhvillimin e teknologjisë në këtë drejtim.

LENS mbi mediat

Mediat informative janë institucionet më me ndikim në shoqëritë moderne. Asgjë nuk arrin më shpejt te njerzit sesa radio, televizioni, gazetat dhe revistat, ndaj këto mund të jenë instrumente të fuqishme për edukim. Qeveritë autoritative dhe totalitare e kuptojnë shumë mirë këtë, prandaj edhe bëjnë përpjekje të mëdha për të kontrolluar dhe censuruar mediet e tyre. Mirëpo, në shoqëritë demokratike mediat operojnë të pavarura nga kontrolli qeveritar; ato mbulojnë ngjarjet e rëndësishme si brenda politikës ashtu edhe jashtë saj, duke shërbyer si mbikëqyrës të qeverisë dhe institucioneve tjera të fuqishme.

Your Dream. Our Mission.

We Believe In Hard Work And Dedication

LENS është një organizatë e pavarur, jo politike dhe jo fitimprurëse, me bazë në Prishtinë, Kosovë. Është themeluar më 20 Maj 2010 nga ekspert të fushës së komunikimit dhe teknologjisë informative, aktivist të të drejtave të njeriut dhe entuziast të shoqërisë së hapur. Ideja e themelimit të LENS-it vjen si rezultat i interesit të përbashkët në rritjen e përdorimit të teknologjisë duke shfrytëzuar mundësitë që ajo ofron duke ngritur njëkohësisht vetëdijen rreth dëmeve si pasojë e keqpërdorimit të saj.

meet our amazing team

The Faces Behind our Success

We Couldn’t Do It Without Them

Timothy Powell

Creative Director

Jennie Ryan

Art Director

Susan Poore

Digital Consultant

Lisa R. Boone

PPC Ninja

Rod Mikey

SEO Specialist

Edward Smith

Strategy Dreamer

Jennie Stone

Social Media

Nichole Reed

Senior Designer

Kiara Foster

Head of Content

Meet Our Clients

Partneret tane

Lorem ipsum dolor sit orot amet, conse ctetur adip scing elit. Proin rutrum euismod dolor, ultricies aliq luam off kool or taka ekolor.